స్త్రీలకు మాత్రమే!!

హైదరాబాద్:సెప్టెంబర్ 15
ఇటీవల కాలంలో పలు రద్దీ ప్రాంతాలకు విద్యార్థినిలు, మహిళల సౌకర్యార్థం టీఎస్ ఆర్టీసీ లేడీస్ స్పెషల్ బస్సుల సర్వీస్ కల్పిస్తున్నది.

ఈ నేపథ్యంలోనే తాజాగా మహిళా ప్రయాణికుల సౌకర్యార్థం మెహిదీపట్నం టూ సీబీఐటీ మార్గంలో లేడీస్ స్పెషల్ బస్సును ఏర్పాటు చేసినట్లు టీఎస్ ఆర్టీసీ ఎండీ సజ్జనార్ సోషల్ మీడియా వేదికగా ప్రకటించారు.

120 రూట్ నెంబర్ గల ఈ సర్వీస్.. ప్రతి రోజు ఉదయం 08:30 గంటలకు మెహిదీపట్నం నుంచి ప్రారంభమవుతుందని, తిరిగి సాయంత్రం 04:00 గంటలకు సీబీఐటీ నుంచి బయలుదేరుతుందని వెల్లడించారు.

ఆ మార్గంలో వెళ్లే ఇంజనీరింగ్ విద్యార్థినులు, మహిళలు ఈ స్పెషల్ బస్సు సదుపాయాన్ని వినియోగించుకోగలరని సూచించారు…