వృద్ధులకు పెద్దదిక్కుగా సీఎం కేసీఆర్ – ఎమ్మెల్యే జిఎంఆర్
-బొల్లారంలో ఆసరా పెన్షన్లు పంపిణీ
సాక్షిత : బొల్లారం మున్సిపాలిటీ పరిధిలో నూతనంగా మంజూరైన ఆసరా పెన్షన్లను పటాన్చెరువు ఎమ్మెల్యే గూడెం మహిపాల్ రెడ్డి లబ్ధిదారులకు స్వయంగా అందజేశారు. ఈ సందర్భంగా మున్సిపల్ పాత కార్యాలయంలో ఏర్పాటు చేసిన కార్యక్రమంలో ఆయన ముఖ్య అతిథిగా పాల్గొని ప్రజా ప్రతినిధుల సమక్షంలో నూతనంగా మంజూరైన 246 ఆసరా పెన్షన్లను లబ్ధిదారులకు అందించారు. ఈ సందర్భంగా ఎమ్మెల్యే మహిపాల్ రెడ్డి మాట్లాడుతూ సీఎం కేసీఆర్ వృద్ధులకు పెద్దదిక్కుగా మారి ఆసరా పెన్షన్లను అందిస్తున్నారని తెలిపారు. సీఎం కేసీఆర్ అన్ని వర్గాల వారికి సంక్షేమ పథకాలను అమలు చేస్తూ తనదైన ముద్ర వేస్తున్నారని కొనియాడారు. తెలంగాణ ప్రభుత్వం బడుగు బలహీన వర్గాల అభివృద్ధికి పెద్దపీట వేస్తోందన్నారు. ఈ కార్యక్రమంలో తెరాసా సీనియర్ నాయకులు,మున్సిపల్ కౌన్సిలర్ వి.చంద్రారెడ్డి , రాజేంద్ర కుమార్ (బొల్లారం మున్సిపల్ కమిషనర్), పార్టీ పట్టణ శాఖ అధ్యక్షుడు వి.హనుమంత్ రెడ్డి , కౌన్సిలర్లు గోపాలమ్మ , రాధా , జయమ్మ , చంద్రయ్య , నాయకులు వి.యాదిరెడ్డి , వెంకటయ్య , లబ్ధిదారులు తదితరులు పాల్గొన్నారు.