హైదరాబాద్:
హైదరాబాద్ లోని ఎల్బీ స్టేడియంలో గురువారం జరగనున్న నూతన ముఖ్య మంత్రి రేవంత్ రెడ్డి ప్రమాణ స్వీకారోత్సవానికి విస్తృత ఏర్పాట్లు చేయాలని ప్రభుత్వ ప్రధాన కార్యదర్శి శాంతికుమారి అధి కారులను ఆదేశించారు.

ముఖ్యమంత్రి, మంత్రి మండలి ప్రమాణ స్వీకా రోత్సవానికి సంబంధించి ఏర్పాట్లపై నేడు అధికారులతో సిఎస్ సమావేశం నిర్వహించి సమీక్షించారు.

అధికారులందరూ సమన్వయంతో పనిచేసి ప్రమాణస్వీకార కార్య క్రమాన్ని విజయ వంతం చేయాలని సిఎస్ కోరారు. ప్రమాణ స్వీకారానికి వచ్చే వారికి తగిన బందోబస్తు, ట్రాఫిక్, పార్కింగ్, భద్రతా ఏర్పాట్లు చేయాలని పోలీసుశాఖ ను ఆదే శించారు.

అగ్నిమాపక యంత్రాలు, అగ్నిమాపక శకటాలను వేదిక వద్ద ఉంచాలి. వేదికను శుభ్రపరచడం, త్రాగు నీరు ఫాగింగ్ చేయడం వంటివి చేయాలని జిహెచ్‌ఎంసి అధికారులను కోరారు.

ఎల్బీ స్టేడియం వద్దకు వెళ్లే రహదారుల మరమ్మతులు చేపట్టాలని సూచించారు. అన్ని సౌకర్యాలతో కూడిన అంబులెన్స్‌ను ఏర్పాటు చేయాలని వైద్యారోగ్య శాఖను ఆదేశించారు. అదేవిధంగా అంతరాయం లేకుండా విద్యుత్ సరఫరా చేయాలని ఇంధన శాఖ అధికారులకు ఆదేశించారు.

సీ ఎస్ నిర్వహించిన సమావేశంలో డిజిపి రవిగుప్తా, హైదరాబాద్ సిపి సందీప్ శాండిల్యా, స్పెషల్ చీఫ్ సెక్రటరీ సునీల్ శర్మ, ప్రిన్సిపల్ సెక్రటరీలు మరియు..

ఎస్‌ఎఎం రిజ్వీ, శైలజా రామయ్యర్, గవర్నర్ సెక్రటరీ సురేంద్ర మోహన్, జిఎడి సెక్రటరీ శేషాద్రి, సెక్రటరీ ఆర్‌అండ్‌బి శ్రీనివాస్ రాజు, కమిషనర్ ఐఅండ్‌పిఆర్ అశోక్ రెడ్డి, హైదరాబాద్ కలెక్టర్ అనుదీప్,ఇతర ఉన్న తాధికారులు సమావేశానికి హాజరయ్యారు