శంకర్‌పల్లిలో జోరందుకున్న కాంగ్రెస్ ప్రచారం

శంకర్‌పల్లి: ఏప్రిల్ 29: పార్లమెంట్ ఎన్నికల నేపథ్యంలో శంకర్‌పల్లి మండల మరియు మున్సిపల్ పరిధిలో కాంగ్రెస్ పార్టీ ప్రచారం జోరందుకుంది. సోమవారం కాంగ్రెస్ పార్టీ అభ్యర్థి గడ్డం రంజిత్ రెడ్డి గెలుపు కోసం పట్టణ పరిధిలో కాంగ్రెస్ నాయకులు గడపగడపకు వెళ్లి కాంగ్రెస్ పార్టీ సంక్షేమ పథకాలను వివరించారు. గడ్డం రంజిత్ రెడ్డికి ఓటేసి భారీ మెజార్టీతో గెలిపించాలని ఓటర్లను అభ్యర్థించారు. ఈ సందర్భంగా వారు మాట్లాడుతూ కాంగ్రెస్ పార్టీతోనే అభివృద్ధి సాధ్యమని అన్నారు. కాంగ్రెస్ పార్టీ మహిళల సంక్షేమం కోసం అనేక సంక్షేమ కార్యక్రమాలను అమలు చేసిందన్నారు.

మహిళల ఆర్థిక అభివృద్ధి కాంగ్రెస్
తోనే సాధ్యమన్నారు. చేవెళ్ల పార్లమెంట్ ప్రాంత ప్రజలకు నిత్యం అందుబాటులో ఉండే రంజిత్ రెడ్డికి ఓటు వేయాలన్నారు. రంజిత్ రెడ్డికి ఓటు వేసి చేవెళ్ల అభివృద్ధిలో భాగ స్వాములు కావాలని కోరారు. హస్తం పేదల నేస్తం అని రాష్ట్రంలో కాంగ్రెస్ పార్టీ ప్రజాపాలన కొనసాగుతుందన్నారు. పార్లమెంటు ఎన్నికల్లో కాంగ్రెస్ అభ్యర్థులను గెలిపిస్తే రాష్ట్రం మరింత అభివృద్ధి పథంలో నడుస్తుందన్నారు. కాంగ్రెస్ పార్టీ హయంలోని అన్ని వర్గాలకు సమన్యాయం జరుగుతుందన్నారు. చేవెళ్ళ పార్లమెంట్ కాంగ్రెస్ అభ్యర్థి గడ్డం రంజిత్ రెడ్డికి ఓటు వేసి భారీ మెజారితో గెలిపించాలన్నారు. కార్యక్రమంలో మండల పార్టీ అధ్యక్షుడు జనార్దన్ రెడ్డి, మున్సిపల్ అధ్యక్షుడు ప్రకాష్, కౌన్సిలర్లు, నాయకులు యాదయ్య గౌడ్, భాస్కర్ రెడ్డి, సమ్మిరెడ్డి ఉన్నారు.