చేవెళ్ల గడ్డపై రెండు లక్షల మెజార్టీతో గెలుస్తానని బిజెపి ఎంపీ అభ్యర్థి కొండా విశ్వేశ్వర్ రెడ్డి అన్నారు. సోమవారం పార్లమెంట్ ఎన్నికల సందర్భంగా శంకర్‌పల్లి మున్సిపల్ కేంద్రంలో గల పోలింగ్ బూత్ లను కొండ విశ్వేశ్వర్ రెడ్డి స్థానిక నాయకులతో కలిసి సందర్శించారు. అనంతరం కొండ విశ్వేశ్వర్ రెడ్డి మాట్లాడుతూ చేవెళ్ల ప్రజలంతా బిజెపికే ఓటు వేశారని నరేంద్ర మోడీని మరోసారి ప్రధాని చేయడానికి సిద్ధంగా ఉన్నారన్నారు. నరేంద్ర మోడీ నాయకత్వంలో బీజేపీ పార్టీ ఘన విజయం సాధిస్తుందన్నారు. చేవెళ్ల పార్లమెంట్ ప్రజలు విశ్వేశ్వర్ రెడ్డి నాయకత్వాన్ని కోరుకుంటున్నారన్నారు. కార్యక్రమంలో ఎంపీపీ గోవర్ధన్ రెడ్డి, మునిసిపల్ అధ్యక్షుడు సురేష్ యాదవ్, మున్సిపల్ ఇంచార్జ్ వాసుదేవ్ కన్నా, యూత్ నాయకులు దండు సంతోష్ కుమార్ అజయ్ గౌడ్, సతీష్ రెడ్డి, సాయి కిరణ్ రెడ్డి హేమంత్ రెడ్డి, అనిశెట్టి సురేష్, విశ్వనాథ్, దండు రామ్మోహన్, శ్రీదేవి ఉన్నారు.