An old man shouting to the authorities to protect my land from the encroacher

ఆక్రమణదారు నుంచి నా భూమిని రక్షించాలి అధికారులకు మొరపెట్టుకుంటున్న వయోవృద్ధుడు

సాక్షిత న్యూస్, మంథని :

తన ఇంటిని ఆనుకుని ఉన్న తన సొంత స్థలాన్ని ఒక వ్యక్తి దురాక్రమణ చేసి తనను చంపుతానని బెదిరిస్తున్నాడని బడితెల రామయ్య అనే వృద్ధుడు ఒక ప్రకటనలో వాపోయాడు. తాను మంథని మునిసిపల్ పరిధిలోని పోచమ్మ వాడలో నివసిస్తున్నానని, తన ఇంటికి దక్షిణం వైపు నివాసం ఉంటున్న వ్యక్తి తన భూమిని ఆక్రమించుకొని అక్రమ నిర్మాణం చేసి గోడలు, గేటు ఏర్పాటు చేశాడని ఆరోపించాడు.

తన స్థలాన్ని దురాక్రమణ చేసి అక్రమ నిర్మాణం చేపట్టిన వ్యక్తిపై అధికారులకు ఎన్నోసార్లు ఫిర్యాదు చేసినా ఫలితం లేదని ఆవేదన వ్యక్తం చేశారు. ఆక్రమణదారుని చర్యల వలన తన స్థిరనివాసానికి గోడ పగుళ్లు వచ్చి నీరు లోపలికి ప్రవహిస్తుండడం ఇబ్బందిగా మారిందన్నారు ఇప్పటికైనా సంబంధిత అధికారులు చొరవ తీసుకొని తన స్థలాన్ని ఆక్రమణదారుని చెర నుంచి విడిపించి తనకు అప్పగించాలని సంబంధిత జిల్లా ఉన్నతాధికారులను కోరుతున్నాడు.