Tour of Ponguleti in Khammam Rural

ఖమ్మం రూరల్ లో పొంగులేటి పర్యటన

సాక్షిత ఉమ్మడి ఖమ్మం బ్యూరో చీఫ్:
ఖమ్మం మాజీ పార్లమెంటు సభ్యులు పొంగులేటి శ్రీనివాస రెడ్డి ఖమ్మం రూరల్ మండలంలో పర్యటించారు. పర్యటనలో భాగంగా తెల్దారుపల్లి, రెడ్డిపల్లి గ్రామాల్లో జరిగిన పలు వివాహ వేడుకలకు హాజరయ్యారు. నూతన వధూవరులను ఆశీర్వదించి పట్టువస్త్రాలను కానుకగా అందించారు. పలు ప్రయివేటు కార్యక్రమాల్లోనూ పాల్గొన్నారు. ఈ పర్యటనలో పొంగులేటి వెంట మద్దినేని బేబి స్వర్ణకుమారి, కొణిజర్ల ఎంపీపీ గోసు మధు, అజ్మీరా అశోక్ నాయక్, మద్ది కిషోర్ రెడ్డి, కార్పొరేటర్ మలీదు జగన్, జాన్రెడ్డి, మెండె వెంకటేష్ యాదవ్, గునగంటి రమేష్, ప్రవీణ్, చావా శివరామకృష్ణ, ఇమామ్ భాయ్, యువనేత గోపి తదితరులు ఉన్నారు.

ఖమ్మం నగరంలో పొంగులేటి పర్యటన

ఖమ్మం మాజీ పార్లమెంటు సభ్యులు పొంగులేటి శ్రీనివాస రెడ్డి ఖమ్మం నగరంలో శుక్రవారం పర్యటించారు. పర్యటనలో భాగంగా ఆర్ఆర్ఆర్ ఫంక్షన్హల్, శబరి ఫంక్షన్ హాల్, ఈఆర్ఆర్ రిసార్ట్స్లో జరిగిన వివాహాది శుభకార్యక్రమాలకు హాజరై నూతన వధూవరులను ఆశీర్వదించారు. పట్టువస్త్రాలను కానుకగా అందించారు. నిండునూరేళ్ళు చల్లగా ఉండాలని దీవించారు. పలు ప్రయివేటు కార్యక్రమాల్లోనూ పాల్గొన్నారు. ఈ పర్యటనలో పొంగులేటి వెంట మద్దినేని బేబి స్వర్ణకుమారి, కొణిజర్ల ఎంపీపీ గోసు మధు, కార్పొరేటర్ జగన్, మైనారిటీ నాయకులు ఇమామ్ భాయ్, మియాభాయ్, చావా శివరామకృష్ణ, తోట ప్రసాద్, మొగిలిచర్ల సైదులు, గౌస్భయ్, యువనేత గోపి, బొల్లిని నాగరాజు యాదవ్ తదితరులు ఉన్నారు.

ఉమ్మడి ఖమ్మంజిల్లాలో పొంగులేటి పర్యటన

ఖమ్మం మాజీ పార్లమెంటు సభ్యులు పొంగులేటి శ్రీనివాస రెడ్డి ఉమ్మడి ఖమ్మం జిల్లాలో పర్యటించారు. పర్యటనలో భాగంగా చింతకాని, జూలూరుపాడు, కొత్తగూడెం, లక్ష్మిదేవిపల్లి, పాల్వంచ, భద్రాచలం, చుంచుపల్లి, వైరా, ఖమ్మం నగరాల్లో పర్యటించారు. చింతకాని గాంధీనగర్ చల్లా సత్యనారాయణ కుమారుని వివాహానికి, జూలూరుపాడు కరివారిగూడెం కాలనీలో శ్రీ మోక్షకోదండ రామస్వామి విగ్రహా ప్రతిష్ఠ, బొడ్రాయి ప్రతిష్ఠ కార్యక్రమంలో పాల్గొన్నారు. కొత్తగూడెం కమ్మవారి కల్యాణ మండపంలో గుగులోత్ చందర్ జీ కుమార్తె వివాహానికి, 3వ వార్డులోని బొడ్రాయి ప్రతిష్ఠ, ముత్యాలమ్మ గుడి ప్రతిష్టా మహోత్సవంలో పాల్గొన్నారు. శేషగిరినగర్ శంకర్ భార్య ఇటీవల చనిపోగా వారి కుటుంబాన్ని పరామర్శించి ఓదార్చారు. మేదరబస్తీలో వనమా పురుషోత్తం కుమార్తె వివాహా వేడుకకు హాజరై నూతన వధూవరులను ఆశీర్వదించారు.

లక్ష్మీదేవిపల్లి అనిశెట్టిపల్లిలో నవీన్ వివాహా వేడుకకు, లక్ష్మీదేవిపల్లి, హేమచంద్రాపురంలో పలు బాధిత కుటుంబాలను పరామర్శించి ఆర్థికసాయాలను అందజేశారు. పాల్వంచలో పెద్దమ్మతల్లి దేవాలయంలో ఆవుల లక్ష్మారెడ్డి కుమారుని వివాహా వేడుకకు, బొల్లొరిగూడెంలో కాపర్తి వెంకటాచారి కుమార్తె వివాహా వేడుకకు హాజరైయ్యారు. భద్రాచలంలోని సీతానిలయంలో జరిగిన మంత్రిప్రగడ నరసింహారావు ఉపనయన వేడుకకు, ఎ.ఎస్.ఆర్. కాలనీలో వల్లభరెడ్డి శివరామకృష్ణ కుమారుని వివాహా వేడుకకు హాజరయ్యారు.

చుంచుపల్లిలో ఎన్.కె. నగర్లో అక్కా చెల్లెల్లు చనిపోగా వారి కుటుంబాన్ని పరామర్శించి ఓదార్చారు. వైరాలోని కమ్మవారి కల్యాణమండపంలో జరిగిన ఏటుకూరి నాగేంద్రరావు కుమారుని వివాహా వేడుకకు హాజరయ్యారు. అదేవిధంగా ఖమ్మం నగరంలో జరిగిన పలు వివాహా వేడుకల్లో పొంగులేటి పాల్గొన్నారు. పలు ప్రయివేటు కార్యక్రమాలకు కూడా పొంగులేటి హాజరయ్యారు.