తెలంగాణలో నేటి నుండి మొదలైన టెట్ పరీక్షలు!

హైదరాబాద్:
తెలంగాణలో ఇవాళ ఉదయం 9 గంటల నుంచి టెట్​ పరీక్షలు మొదల య్యాయి,ఈ నెల 20వ తేదీ వరకు ఈ పరీక్షలు జరుగుతాయి.

రాష్ట్రంలోని 17 జిల్లాల్లో 92 పరీక్షా కేంద్రాల్లో విద్యా ర్థులు పరీక్షలు రాస్తున్నారు. టెట్‌లో రోజుకు రెండు సెషన్లలో పరీక్షలు జరుగుతాయి,మొత్తం 2,75,753 మంది అభ్యర్థులు ఈ పరీక్షలకు దరఖాస్తు చేసుకున్నారు.

మొదటి సెషన్ పరీక్షలు ప్రతిరోజు ఉదయం 9 గంటల నుంచి 11.30 గంటల వరకు, రెండో సెషన్‌ పరీక్షలు మధ్యాహ్నం 2 గంటల నుంచి సాయంత్రం 4.30 వరకు జరుగుతాయి.

ఆన్​లైన్​ కంప్యూటర్​ బేస్​డ్​ విధానంలో టెట్‌ జరుగు తోంది. టీచర్లుగా ఎంపిక కావాలంటే టెట్​లో అర్హత సాధిచండం తప్పనిసరి. అనంతరం డీఎస్సీ రాయాల్సి ఉంటుంది. ఇందులో మంచి మార్కులు వస్తే.. టెట్​ మార్కులు ఎక్కువగా వచ్చిన వారికి మంచి స్కోరింగ్​ వస్తుంది.

టెట్​లో అర్హత సాధించ లేనివారు డీఎస్సీ రాసే వీలు ఉండదు. టీఆర్టీ రాయడానికీ అర్హత ఉండదు. తెలంగాణ సర్కారు ఇప్పటికే డీఎస్సీ పరీక్షను నిర్వహించిన విషయం తెలిసిందే. అర్హత సాధించిన వారికి కొద్ది రోజుల క్రితమే పోస్టింగులు కూడా వచ్చాయి.