కరాటేలో ప్రతిభ కనబర్చిన సూర్యాపేట విద్యార్థులు

వరల్డ్ కప్ ఛాంపియస్ షిప్ లో సత్తా చాటిన రోహిత్, కార్తీక్

సాక్షిత సూర్యాపేట జిల్లా ప్రతినిధి నవంబర్ 11 : వరల్డ్ కప్ ఛాంపియన్ షిప్ కరాటే పోటీల్లో సూర్యాపేట జిల్లా కేంద్రానికి చెందిన విద్యార్థులు పిన్నెల్లి రోహిత్, కార్తీక్ రెడ్డిలు ఉత్తమ ప్రతిభ కనబరిచినట్లు కరాటే మాస్టర్ క్రాంతి తెలిపారు. ఈ నెల 10న గోవాలో నిర్వహించిన వరల్డ్ కప్ ఛాంపియన్ షిప్ కరాటే పోటీల్లో 28 దేశాలతో పోటీపడిన పదేండ్ల బాలుడు పిన్నెల్లి రోహిత్ ఉత్తమ ప్రతిభను కనబరిచి సిల్వర్ మెడల్ సాధించాడన్నారు. అలాగే 13 సంవత్సరాల కార్తిక్ గోల్డ్ మెడల్ సాధించి సూర్యాపేట జిల్లాకు పేరు తీసుకువచ్చినట్లు తెలిపారు. వరల్డ్ ఛాంపియన్షిప్ కరాటే పోటీల్లో ఉత్తమ ప్రతిభను కనబరిచిన సూర్యాపేట స్వామినారాయణ్ ఇంటర్నేషనల్ గురుకుల పాఠశాల కు చెందిన విద్యార్థులు పిన్నెల్లి రోహిత్, కార్తీక్ రెడ్డి లను పట్టణానికి చెందిన పలువురు ప్రముఖులు, పాఠశాల నిర్వాహకులు అభినందించారు.