మురుగు కాలువల నిర్మాణానికి కృషి చేద్దాం: వికారాబాద్ ఎమ్మెల్యే డాక్టర్ మెతుకు ఆనంద్ *
సాక్షిత : వికారాబాద్ ఎమ్మెల్యే డాక్టర్ మెతుకు ఆనంద్ “మీతో నేను” కార్యక్రమంలో భాగంగా మర్పల్లి మండల పరిధిలోని షాపూర్ గ్రామంలో 07:00 AM నుండి 11:30 AM వరకు పర్యటించారు.

◆ ముఖ్యమంత్రి కెసిఆర్ పరిపాలనలో షాపూర్ నూతన గ్రామ పంచాయతీగా ఏర్పడిందని, గ్రామాన్ని సమిష్టిగా అభివృద్ధి చేసుకోవాలన్నారు.

◆ గ్రామంలోని శానిటేషన్ సరైన పద్దతిలో చేయాలని, మళ్ళీ శానిటేషన్ సమస్యలు పునరావృతం అయితే చర్యలు తీసుకోబడతాయని హెచ్చరించారు.

◆ గ్రామంలో రోడ్లపై నీరు పారడంతో మురుగు కాలువల నిర్మాణానికి కృషి చేద్దామన్నారు.

◆ గ్రామంలో ప్రతి ఇంటికి మిషన్ భగీరథ నల్లా కనెక్షన్ ఇవ్వాలని, నెలకు మూడు సార్లు వాటర్ ట్యాంక్ ను కచ్చితంగా శుభ్రం చేయాలని పంచాయతీ కార్యదర్శిని ఆదేశించారు.

◆ గ్రామంలో థర్డ్ వైర్ ఏర్పాటు చేసి, గ్రామంలో మరియు పంటపొలాల్లో వేలాడుతున్న విద్యుత్ వైర్లను సరిచేయాలని, అవసరమైన చోట స్థంబాలను ఏర్పాటు చేయాలని, గ్రామంలో విద్యుత్ అంతరాయం లేకుండా సరఫరా చేయాలని అధికారులను ఆదేశించారు.

◆ ప్రతి ఇంటికి మరుగుదొడ్డి నిర్మించుకోవాలని, వాటిని వాడుకలో పెట్టుకోవాలని, బహిరంగ మల విసర్జన చేయరాదని ప్రజలకు సూచించారు.

◆ గ్రామంలో ప్రతి బుధవారం పశువైద్య అధికారి అందుబాటులో ఉండాలని పశు వైద్య శాఖ అధికారులను ఆదేశించారు.

◆ వర్షాకాలం సందర్భంగా గ్రామంలో పరిసర ప్రాంతాలను పరిశుభ్రంగా ఉంచుకొని, తగు జాగ్రత్తలు తీసుకోవాలని, అనారోగ్యాలకు గురికారాదని ప్రజలకు సూచించారు.

◆ అనంతరం గ్రామంలోని ప్రభుత్వ ప్రాథమిక పాఠశాలను సందర్శించి, గ్రామ సమీపంలో ఉన్న భారీ వర్షాలకు కొట్టుకుపోయిన కల్వర్టును పరిశీలించారు.

ఈ కార్యక్రమంలో ప్రజాప్రతినిధులు, అధికారులు, పార్టీ నాయకులు కార్యకర్తలు గ్రామస్తులు మరియు తదితరులు పాల్గొన్నారు.