ఘనంగా శ్రీ వాసవి కన్యకా పరమేశ్వరి జయంతి

చిట్యాల సాక్షిత ప్రతినిధి

శ్రీ వాసవి కన్యకా పరమేశ్వరి అమ్మవారి పుట్టినరోజు సందర్భంగా పట్టణంలోని బిఆర్ ఫంక్షన్ హాల్ లో ఆదివారం ఆర్యవైశ్య సంఘం మహిళా విభాగం జిల్లా అధ్యక్షురాలు పందిరి గీతా రమేష్ ఆధ్వర్యంలో వాసవి మాత వేడుకలు ఘనంగా నిర్వహించారు. ఈ సందర్భంగా వేద బ్రాహ్మణులచే పూజలు నిర్వహించారు. వాసవి మాత పూజలను పురస్కరించుకొని పట్టణంలోని అధిక సంఖ్యలో ఆర్యవైశ్య మహిళలు పాల్గొన్నారు. దౌలతాబాద్ వాసుదేవ శర్మ పౌరోహిత్యంలో అమ్మవారి పూజలతో పాటు మహిళలు కుంకుమ పూజలు చేశారు. అనంతరం అమ్మవారిని దర్శించుకుని ఆమె కృపకు పాత్రులు అయ్యారు. ఈ సందర్భాన్ని పురస్కరించుకొని చిట్యాల పట్టణంలో వాసవి మాత ఆలయం నిర్మించాలని తీర్మానించుకున్నారు.
పూజా కార్యక్రమాల అనంతరం కార్యక్రమం నిర్వాహకులు పందిరి గీతా రమేష్ లను శాలువాలతో సత్కరించారు.
ఈ కార్యక్రమంలో ఆర్యవైశ్య సంఘం జిల్లా అధ్యక్షులు వనమా వెంకటేశ్వర్లు, కార్యదర్శి శ్రీనివాసులు,మండల అధ్యక్షులు తెరెటిపల్లి హనుమంతు పట్టణ అధ్యక్షులు వాసా విద్యాసాగర్, మాజీ మార్కెట్ చైర్మన్ పందిరి శ్రీనివాసులు, వాసవి క్లబ్ మాజీ అధ్యక్షులు కార్యక్రమం నిర్వాహకులు పందిరి రమేష్, ఆర్యవైశ్య ప్రముఖులు షీలా సత్యనారాయణ, వేలుపల్లి రవీందర్, మేడిశెట్టి ఉమాశంకర్, నీల సత్యనారాయణ, ఆర్యవైశ్యులు పాల్గొన్నారు.