దివ్యంగుల శరణాలయం “శాంతి నిలయం”కు కూలర్ బహుకరణ.
సాక్షిత ఉమ్మడి ఖమ్మం బ్యూరో చీఫ్:

మార్పు స్వచ్ఛంద సంస్థ ఆధ్వర్యంలో బోనకల్ లోని మానసిక వికలాంగుల శరణాలయం “శాంతి నిలయం”కు కూలర్ బహుకరించారు. వైరా పట్టణ వాస్తవ్యులు నరాల అన్నపూర్ణ కుమారుడు క్రీ.శే. నరాల మహేష్ రెడ్డి పుట్టినరోజు (జయంతి) సందర్భంగా కూలర్ ను వితరణగా అందజేశారు. అనంతరం శాంతి నిలయంలోని అనాధ పిల్లలకు పండ్లు పంపిణీ చేశారు. ఈ సందర్భంగా మార్పు స్వచ్ఛంద సంస్థ అధ్యక్షురాలు గుడిమెట్ల రజిత మాట్లాడుతూ అవరోధాలను అధిగమిస్తూ ఆదర్శంగా జీవిస్తున్న దివ్యాంగులకు సమాజం చేయూత ఇవ్వాలని, ప్రతి ఒక్కరూ సమాజం పట్ల బాధ్యత, సేవా గుణంతో జీవించడానికి ప్రయత్నం చేయాలని సూచించారు.

శాంతి నిలయం నిర్వాహకురాలు సిస్టర్ ఆల్ ఫీ, సిస్టర్ బిజిలీ మాట్లాడుతూ ఎండల తీవ్రత పెరుగుతున్న తరుణంలో శాంతి నిలయం లోని దివ్యంగులకు సౌకర్యంగా ఉండే కూలర్ బహుకరించిన మార్పు స్వచ్ఛంద సంస్థ సభ్యులను ప్రత్యేకంగా అభినందించారు. ఈ కార్యక్రమంలో మార్పు స్వచ్ఛంద సంస్థ అధ్యక్షురాలు గుడిమెట్ల రజిత, కార్యదర్శి గుడిమెట్ల మోహనరావు, సభ్యులు నరాల అన్నపూర్ణ, గుర్రాల నరసింహారెడ్డి, పాతకొట్టు బాలకృష్ణారెడ్డి, పాతకొట్టు సాయి దీప్తి, బొగ్గుల సత్యం రెడ్డి, శాంతి నిలయం సిస్టర్స్ రొజిలియా, సృతి, సంజనా తదితరులు పాల్గొన్నారు.