హైదరాబాద్ నగర వాసులకు శుభవార్త. నగరంలో సుందరీకరణ, పచ్చదం పెంపొందించి అహ్లాదకరమైన వాతావరణం ఏర్పాటు చేయాలన్న లక్ష్యంలో భాగంగా పలు అభివృద్ధి పనులకు ముఖ్యమంత్రి రేవంత్ రెడ్డి ప్రారంభించారు.

శేరిలింగంపల్లి డివిజన్ పరిధిలోని కోట్ల విజయభాస్కర్ రెడ్డి బొటానికల్ గార్డెన్‌లో సరికొత్త హంగులతో అభివృద్ధి చేసిన ఎకోటూరిజం, వృక్ష క్షేత్రం, వర్చువల్ వైల్డ్‌లైఫ్ మాడల్ సఫారీల ప్రారంభోత్సవం కార్యక్రమంలో ముఖ్యమంత్రి రేవంత్ రెడ్డి , మంత్రివర్యులు శ్రీమతి కొండా సురేఖ , మేయర్ శ్రీమతి గద్వాల విజయలక్ష్మీ , అటవీ అభివృద్ధి సంస్థ చైర్మన్ పొందేం వీరయ్య , MBC చైర్మన్ జేరిపేటి జైపాల్ , కార్పొరేటర్లు రాగం నాగేందర్ యాదవ్ , హమీద్ పటేల్ , దొడ్ల వెంకటేష్ గౌడ్ , జగదీశ్వర్ గౌడ్ , ఉప్పలపాటి శ్రీకాంత్ తో కలిసి పాల్గొన్న PAC చైర్మన్ ఆరెకపూడి గాంధీ .

ప్రజాపాలన – ప్రజా విజయోత్సవాల్లో భాగంగా తెలంగాణ అటవీ అభివృద్ధి సంస్థ ఆధ్వర్యంలో SKVBR బొటానికల్ గార్డెన్‌లో జరిగిన కార్యక్రమంలో పాల్గొన్న సీఎంగారు, కొత్తగూడెం – పాల్వంచ, మరియు సత్తుపల్లి డివిజనల్ మేనేజర్ ఆఫీస్ కాంప్లెక్స్‌లను వర్చువల్‌గా ప్రారంభించారు.

ఫారెస్ట్ – ఎకోటూరిజం అభివృద్ధి కార్యాలయానికి శంకుస్థాపన చేశారు. గార్డెన్ లో 75 వనాలతో కొత్తగా రూపుదిద్దుకున్న వృక్ష పరిచయ క్షేత్రాన్ని, కొత్తగా ఏర్పాటు చేసిన వర్చువల్ వైల్డ్‌లైఫ్ మాడల్ సఫారీని ప్రారంభించారు.

TGFDC నూతన వాహనాలను ప్రారంభించి బ్యాటరీ వాహనంలో ప్రయాణిస్తూ గార్డెన్‌ను పరిశీలించి అధికారులకు పలు సూచనలు చేశారు.

ఈ సందర్భంగా PAC చైర్మన్ గాంధీ మాట్లాడుతూ ప్రజాపాలన – ప్రజా విజయోత్సవాల్లో భాగంగా తెలంగాణ అటవీ అభివృద్ధి సంస్థ ఆధ్వర్యంలో ముఖ్యమంత్రి రేవంత్ రెడ్డి చేతుల మీదుగా బొటానికల్ గార్డెన్ లో 75 వనాలతో కొత్తగా రూపుదిద్దుకున్న వృక్ష పరిచయ క్షేత్రాన్ని, కొత్తగా ఏర్పాటు చేసిన వర్చువల్ వైల్డ్‌లైఫ్ మాడల్ సఫారీని ప్రారంభించుకోవడం చాలా సంతోషకరమైన విషయం అని , శేరిలింగంపల్లి నియోజకవర్గ ప్రజలకు, పరిసర ప్రాంత కాలనీ వాసులకు, వాకింగ్ కోసం వచ్చే వారికి , సేద తిరడానికి వచ్చే వృద్దులకు, ఆటవిడుపు కోసం వచ్చే పిల్లలకు ఎంతగానో తోడ్పడుతుంది అని PAC చైర్మన్ గాంధీ తెలియచేసారు.
సుందరీకరణ, పచ్చదనం పెంపొందించి, ప్రజలకు చక్కటి అహ్లాదకరమైన వాతావరణం ఏర్పాటు చేయాలన్న లక్ష్యంతో ప్రభుత్వం పనిచేస్తుంది అని PAC చైర్మన్ గాంధీ తెలియచేసారు.

ఈ కార్యక్రమంలో అధికారులు, వాకర్స్, నాయకులు, కార్యకర్తలు, మహిళలు తదితరులు పెద్ద సంఖ్యలో పాల్గొన్నారు.