నందిగామ పట్టణంలో సూపర్ జీఎస్టీ సూపర్ సేవింగ్స్ ఎగ్జిబిషన్..
నందిగామ పట్టణం గాంధీ సెంటర్ నందు సూపర్ జీఎస్టీ సూపర్ సేవింగ్స్ కార్యక్రమంలో భాగంగా ఎలక్ట్రానిక్ వస్తువుల ఎగ్జిబిషన్ నిర్వహించబడింది. ఈ కార్యక్రమంలో ఆంధ్రప్రదేశ్ ప్రభుత్వ విప్,ఎమ్మెల్యే శ్రీమతి తంగిరాల సౌమ్య పాల్గొని ప్రజలతో ఆప్యాయంగా మాట్లాడారు.
ఈ సందర్భంగా ఆమె మాట్లాడుతూ — “సూపర్ జీఎస్టీ సూపర్ సేవింగ్స్ పథకం ద్వారా సామాన్యులు కూడా ఎలక్ట్రానిక్ వస్తువులను అతి తక్కువ ధరల్లో సులభంగా పొందే అవకాశం లభిస్తోంది. ఈ కార్యక్రమం ప్రజల ఆర్థిక భారం తగ్గించడమే కాకుండా స్థానిక వ్యాపారులకు కూడా ఉత్తేజాన్ని ఇస్తోంది” అని తెలిపారు.
అలాగే ఈ కార్యక్రమం వల్ల మధ్యతరగతి మరియు తక్కువ ఆదాయ వర్గాలకు గృహ అవసరమైన వస్తువులు సులభంగా అందుబాటులోకి వస్తున్నాయని ఆమె పేర్కొన్నారు. ప్రజల సంక్షేమమే ప్రభుత్వ ప్రాధాన్యత అని, ఈ తరహా పథకాలు ఆ దిశగా తీసుకుంటున్న సదుపాయాలు అని తంగిరాల సౌమ్య అన్నారు.
ఈ కార్యక్రమంలో మున్సిపల్ చైర్ పర్సన్ శ్రీమతి మండవ కృష్ణకుమారి,కూటమి నేతలు,సిటీఓ, ఆర్డిఓ, మున్సిపల్ కమిషనర్, మున్సిపల్ అధికారులు, వ్యాపార ప్రతినిధులు, స్థానిక ప్రజలు పెద్ద సంఖ్యలో పాల్గొన్నారు.
