లక్ష్మీపురంలో శ్రీశ్రీశ్రీ సీతారామ మందిరంలో శ్రీరామనవమి వేడుకలు

చైత్ర శుద్ధ నవమి శ్రీరామనవమి గురువారం సందర్భముగా శ్రీకాకుళం జిల్లా లావేరు మండలం లక్ష్మీపురం గ్రామంలో శ్రీశ్రీశ్రీ సీతారామ మందిరంలో సీతారాముల కళ్యాణం అంగరంగ వైభవంగా జరిగింది.సీతారాములకు అష్టోత్తర శతనామాలతో సహస్ర నామాలతో ఆలయ అర్చకులు పట్నాల సీతారామమూర్తి శర్మ విశేష పూజలను జరిపారు. స్వామివారిని దర్శించుకోవడానికి అధిక సంఖ్యలో భక్తులు పాల్గొన్నారు.స్వామివారికి కొబ్బరికాయలు,అరటి పళ్ళు పానకం,వడపప్పు,పలు పండ్ల రకాలను నైవేద్యముగా భక్తులు అందజేశారు.భక్తుల గోత్రనామాలతో పూజలు చేసిన అర్చకులు శ్రీరామనవమి శుభాకాంక్షలు తెలుపుతూ,అక్షింతలు వారి తలపై వేసి ఆశీర్వదించారు.ఈ కార్యక్రమంలో గ్రామములో ఉన్నటువంటి మహిళలు,గ్రామపెద్దలు పాల్గొన్నారు.