విద్యార్థినుల భద్రతకు అప్రమత్తతే రక్షణ..

విద్యార్థినుల భద్రతకు అప్రమత్తతే రక్షణ….

అవగాహనతోనే నేరాలకు అడ్డుకట్ట…

సాక్షిత పెద్దపల్లి//జిల్లా ప్రతినిధి: గోదావరిఖని, : రామగుండం పోలీసు కమిషనర్ ఆదేశాల మేరకు పెద్దపల్లి మహిళల భద్రత విభాగం ఆధ్వర్యంలో గోదావరిఖనిలోని కాకతీయ జూనియర్ కళాశాలలో విద్యార్థుల కోసం అవగాహన సదస్సు నిర్వహించారు.

ఈ సందర్భంగా మహిళల భద్రత విభాగం బాధ్యులు లావణ్య మాట్లాడుతూ విద్యార్థులు క్రమశిక్షణతో మెలగడం, బాలల రక్షణకు సంబంధించిన చట్టాలపై అవగాహన కలిగి ఉండడం, సామాజిక మాధ్యమాల వినియోగంలో జాగ్రత్తలు పాటించడం, మంచి ప్రవర్తన అలవర్చుకోవడం ఎంతో అవసరమని వివరించారు.

అదేవిధంగా మహిళల భద్రత, మాదకద్రవ్యాల దుష్పరిణామాలు, అంతర్జాల మోసాల పట్ల అప్రమత్తంగా ఉండాలని సూచించారు. మహిళలు, విద్యార్థినుల రక్షణ కోసం బస్టాండ్లు, ప్రధాన కూడళ్లు, విద్యాసంస్థల వద్ద మహిళల భద్రత విభాగం సిబ్బంది నిరంతరం నిఘా నిర్వహిస్తున్నట్లు తెలిపారు.

ఎవరైనా వేధింపులకు గురైతే భయపడకుండా 6303923700 నంబర్‌కు సమాచారం అందించాలని, ఫిర్యాదు చేసిన వారి వివరాలను పూర్తిగా గోప్యంగా ఉంచుతామని భరోసా ఇచ్చారు. అత్యవసర పరిస్థితుల్లో వెంటనే 100 లేదా 112కు సమాచారం ఇవ్వాలని, అంతర్జాల మోసాలకు గురైతే 1930కు ఫిర్యాదు చేయాలని సూచించారు. అలాగే మహిళల సురక్షిత ప్రయాణం కోసం తెలంగాణ పోలీసుల భద్రతా దరఖాస్తును వినియోగించుకోవాలని తెలిపారు.

ఈ కార్యక్రమంలో కళాశాల ప్రిన్సిపాల్ ఉపేందర్, అధ్యాపకులు, మహిళల భద్రత విభాగం సభ్యులు సురేష్, మౌనిక, స్నేహలత తదితరులు పాల్గొన్నారు.