నేడు తొలి జాతీయ అంతరిక్ష దినోత్సవం

హైదరాబాద్:
భారతదేశం తన మొదటి జాతీయ అంతరిక్ష దినోత్సవాన్ని నేడు ఆగస్టు 23,జరుపుకుంటోంది. గత ఏడాది ఇదే రోజున భారత అంతరిక్ష పరిశోధనా సంస్థ (ISRO) చంద్రుని దక్షిణ ధ్రువంపై చంద్రయాన్-3 ని ల్యాండింగ్ చేయడంలో విజయవంతమైంది.

జాతీయ అంతరిక్ష దినోత్స వం చంద్రయాన్-3 మిషన్ నుండి విక్రమ్ ల్యాండర్ విజయవంతమైన ల్యాండింగ్‌ ను సూచిస్తుంది. ఈ ముఖ్యమైన విజయాన్ని పురస్కరించుకుని భారత ప్రభుత్వం అధికారికంగా ఆగస్టు 23ని జాతీయ అంతరిక్ష దినోత్సవంగా ప్రకటించింది.

ఆంధ్రప్రదేశ్‌లోని శ్రీహరికోట లోని సతీష్ ధావన్ అంత రిక్ష కేంద్రం నుండి ప్రయోగిం చిన చంద్రయాన్-3 మిషన్ యొక్క విక్రమ్ ల్యాండర్, చంద్రుని ఉపరితలంపై ‘శివశక్తి’ అనే ప్రదేశంలో సురక్షితమైన, మృదువైన ల్యాండింగ్ చేసింది.

చంద్రయాన్-3 మిషన్ విజయం ఇస్రో, భారత దేశానికి అంతరిక్ష రంగంలో ఒక చారిత్రాత్మక మైలు రాయి. ఎందుకంటే., చంద్రు ని దక్షిణ ధ్రువ ప్రాంతంలో అలా చేసిన ప్రపంచంలో భారతదేశం మొదటి దేశంగా, రోవర్‌ను విజయ వంతంగా ల్యాండ్ చేసిన నాల్గవ దేశంగా అవతరిం చింది.