కృష్ణవేణి స్కూల్ లో ఘనంగా బతుకమ్మ సంబరాలు

సాక్షిత సూర్యాపేట జిల్లా ప్రతినిధి : జిల్లా కేంద్రంలోని కృష్ణవేణి టాలెంట్ స్కూల్ లో బతుకమ్మ సంబరాలను ఘనంగా నిర్వహించారు. ఈ సందర్భంగా చిన్నారులు టీచర్లు అందంగా పేర్చిన బతుకమ్మల చుట్టూ బతుకమ్మ పాటలు పాడుతూ నృత్యం చేస్తూ ఆడిపాడారు. ఈ సందర్భంగా స్కూల్ హెడ్మాస్టర్ నాగేశ్వరరావు మాట్లాడుతూ తెలంగాణ సంస్కృతి సంప్రదాయాలకు ప్రతీక బతుకమ్మ అని అన్నారు.తెలంగాణ ఆడపడుచులందరూ చిన్న పెద్ద తేడా లేకుండా సంతోషంగా జరుపుకునే పెద్ద పండుగ బతుకమ్మ అని అన్నారు.నేటి తరం బతుకమ్మ, దసరా పండుగల ప్రాముఖ్యత గురించి తెలుసుకోవాల్సిన అవసరముందని పేర్కొన్నారు. పూలను పూజించే గొప్ప సంస్కృతి మనదని చెప్పారు. ఈ కార్యక్రమంలో ఏవో క్రాంతి కుమార్, టీచర్లు సరిత, ఇందు, పుష్పలత,సఫీయా, సమీరా బేగం,సాయి వినిత,శ్రవణ్ కుమార్,సాయి కుమార్, విద్యార్థులు పాల్గొన్నారు.