sakshitha
బీసీల ఓట్లతో ఓసీల రాజ్యాధికారం..!!
మేడ్చల్ ఎమ్మెల్యే మల్లారెడ్డిఆసక్తికర వ్యాఖ్యలు
ఘట్ కేసర్ : బీసీలు ఓట్లు వేస్తే ఓసీలు అధికారం చేపడుతున్నారని మేడ్చల్ ఎమ్మెల్యే మల్లారెడ్డి అన్నారు.
బీసీలు అన్ని రంగాల్లో రాణించేలా కృషిచేయాలని తెలిపారు. స్థానిక ఎంపీడీవో ఆఫీసులో సమగ్ర కుటుంబ సర్వే కార్యక్రమాన్ని ప్రారంభించి, మాట్లాడారు. 50 శాతానికి పైగా ఉన్న బీసీలు ఓట్లేస్తే ఓసీలు అధికారం చలాయిస్తున్నారని అన్నారు. గత బీఆర్ఎస్ ప్రభుత్వంలో బీసీ కులవృత్తుల బలోపేతానికి చేయూత ఇచ్చామని చెప్పారు.
ప్రభుత్వం కుల గణన చేపట్టడంపై హర్షం వ్యక్తం చేశారు. ఈ సందర్భంగా పక్కనే ఉన్న మాజీ ఎమ్మెల్యే సుధీర్రెడ్డి స్పందిస్తూ.. ”నువ్వు వెంటనే ఎమ్మెల్యే పదవికి రాజీనామా చేస్తే వజ్రేశ్యాదవ్ ఎమ్మెల్యే అయి.. మంత్రి కూడా అవుతాడు. ఓసీలు రాజ్యమేలుతున్నారని అనడం కాదు.. ఎమ్మెల్యే పదవిని త్యాగం చేసి బీసీలకు ఇవ్వు’ అని అనడంతో సభలో నవ్వులు విరబూశాయి.
