శంకర్పల్లిలో కన్నుల పండుగగా శ్రీ సీతారాముల కళ్యాణం
స్వామి వారి కళ్యాణంలో పాల్గొన్న పదివేల మంది భక్తులు
జై భవాని యూత్ (దసరా ఉత్సవ కమిటి), శ్రీరామ సేన వారి ఆద్వర్యంలో అన్నదాన కార్యక్రమం
…
శంకర్పల్లి: (సాక్షిత): శంకర్పల్లి మున్సిపల్ పరిధిలోని రైల్వే స్టేషన్ సమీపాన గల రామాలయంలో శ్రీరామ నవమి సందర్భంగా శుక్రవారం సీతారాముల కళ్యాణం కన్నుల పండుగగా జరిగింది. ఉదయం 11:34 గంటలకు శ్రీ సీతారాముల కళ్యాణ మహోత్సవ కార్యక్రమం ప్రధాన అర్చకులు రాజేశ్వర్ జోషి ఆధ్వర్యంలో జరిగింది. ఈ సందర్భంగా శ్రీరాముడు తరపున కె. కిషోర్ కుమార్ పావని దంపతులు, శ్రీ సీతమ్మ వారి తరపున ఎంసాని పవన్ కుమార్ మమత దంపతులు పాల్గొన్నారు. ఈ కళ్యాణ మహోత్సవానికి భక్తులు సుమారు పదివేల మంది పాల్గొని శ్రీ సీతారాముల కృపకు పాత్రులు అయ్యారు. కళ్యాణానికి వచ్చిన భక్తులకు జై భవాని యూత్ (దసరా ఉత్సవ కమిటి), శ్రీరామ సేన వారి ఆద్వర్యంలో అన్నదాన కార్యక్రమం నిర్వహించారు. ఏ అవాంఛనీయ ఘటనలు జరగకుండా సిఐ మీర్ ముదసర్ అలీ ఆధ్వర్యంలో పోలీసులు గట్టి బందోబస్తు ఏర్పాటు చేశారు. కళ్యాణానికి మున్సిపల్ చైర్మన్ ప్రవీణ్ కుమార్, కౌన్సిలర్లు, వివిధ పార్టీల నాయకులు పాల్గొన్నారు.