ఉద్యోగాల ఎంపిక కార్యక్రమం – ఆగస్టు 4న…..
సాక్షిత పెద్దపల్లి//జిల్లా ప్రతినిధి, జిల్లాలోని నిరుద్యోగ యువతీ, యువకులకు ఉపాధి అవకాశాలు కల్పించేందుకు ఆగస్టు 4న ఉద్యోగాల ఎంపిక కార్యక్రమం నిర్వహిస్తున్నట్లు జిల్లా ఉపాధి కల్పనాధికారి ఎం. రాజశేఖర్ తెలిపారు.
ఆయన విడుదల చేసిన ప్రకటనలో, మంథని ప్రాంతంలో పనిచేసేందుకు మొత్తం 72 ఉద్యోగ ఖాళీలను భర్తీ చేయనున్నట్లు పేర్కొన్నారు. నిర్వహణ, ఉత్పత్తి, పంపిణీ, నిర్వహణ సేవలు, గిడ్డంగి, నాణ్యత నియంత్రణ, వంట, సమాచార సాంకేతికత, కొనుగోలు, లెక్కలు, మానవ వనరుల నిర్వహణ తదితర విభాగాల్లో నియామకాలు చేపట్టనున్నట్లు తెలిపారు.
ఈ ఉద్యోగాలకు పదో తరగతి, డిప్లొమా, డిగ్రీ, బీటెక్, ఎంటెక్, యంత్ర, విద్యుత్, విక్రయ నిర్వహణ, కంప్యూటర్ శాస్త్రం, ఆహార సాంకేతిక విద్య, హోటల్ నిర్వహణ, వ్యాపార నిర్వహణలో విద్యార్హతలు పూర్తి చేసిన అనుభవం గల పురుష అభ్యర్థులు అర్హులని వెల్లడించారు.
ఆసక్తి గల అభ్యర్థులు ఆగస్టు 4, మంగళవారం ఉదయం 11 గంటలకు తమ నవీకరించిన జీవన వివరాల పత్రం, విద్యార్హతల ధ్రువపత్రాల ప్రతులు, ఆధార్ ప్రతులు, అనుభవ ధ్రువపత్రాలతో కలిసి సమీకృత జిల్లా కలెక్టర్ కార్యాలయం మొదటి అంతస్తులోని జిల్లా ఉపాధి కల్పనాధికారి కార్యాలయం (గది నంబరు–233)కు హాజరై పేర్లు నమోదు చేసుకోవాలని సూచించారు.
మరిన్ని వివరాల కోసం 9908674056, 8985336947, 8121262441 నంబర్లను సంప్రదించాలని జిల్లా ఉపాధి కల్పనాధికారి ఎం. రాజశేఖర్ తెలిపారు.
