గత పది సంవత్సరాల నుండి క్లెయిమ్ చేయకుండా

గత పది సంవత్సరాల నుండి క్లెయిమ్ చేయకుండా ఉండిపోయిన తమ బ్యాంకు డిపాజిట్లు, బీమా, మ్యూచువల్ ఫండ్, స్టాక్ మార్కెట్ షేర్ లు తదితర డబ్బులు తిరిగి పొందేందుకు సువర్ణావకాశం
డిసెంబర్ 24న ఐ.డి. ఒ .సి సమావేశ మందిరంలో మీ డబ్బు మీ హక్కు కార్యక్రమం
బ్యాంకులు, బీమా సంస్థలు, మ్యూచువల్ ఫండ్స్, స్టాక్ బ్రోకరేజ్ సంస్థలతో ఉమ్మడి శిబిరం ఏర్పాటు – జిల్లా కలెక్టర్ ఆదర్శ్ సురభి
…..

సాక్షి త వనపర్తి :
ఎప్పుడో బ్యాంకులో డబ్బులు జమ చేసి మరచిపోవడం, బీమా, మ్యూచువల్ ఫండ్, డివిడెంట్ లు, స్టాక్ మార్కెట్ షేర్లు తదితర డబ్బులు తిరిగి పొందేందుకు రిజర్వు బ్యాంక్ ఆదేశాల మేరకు అక్టోబర్ 1 నుండి మరో అవకాశం కల్పించిందని అందులో భాగంగానే వనపర్తి జిల్లాలో ఉమ్మడి శిబిరం ఏర్పాటు చేసినట్టు జిల్లా కలెక్టర్ నేడొక ప్రకటనలో తెలిపారు.

డిసెంబర్ 24న ఐ.డి. ఒ.సి. సమావేశ మందిరంలో ఉదయం 10 గంటల నుండి సాయంత్రం 4 గంటల వరకు ఈ ఉమ్మడి శిబిరం పనిచేస్తుందని, 10 సంవత్సరాలకు పైబడిన మరచిపోయిన లావాదేవీలు పొందేందుకు శిబిరంలో జిల్లా లోని బ్యాంకులు, బీమా సంస్థలు, డివిడెంట్ లు, స్టాక్ మార్కెట్ బ్రోకరేజ్ లు పాల్గొంటారని, వనపర్తి జిల్లా ప్రజలు ఈ అవకాశాన్ని సద్వినియోగం చేసుకొని తమ డబ్బును క్లెయిమ్ చేసుకోవాల్సిందిగా సూచించారు. 10 సంవత్సరాలకు పైబడిన బ్యాంకు ఖాతాలు, డిపాజిట్ల వివరాలు తెలుసుకునేందుకు రిజర్వు బ్యాంక్ ఆఫ్ ఇండియా ఉద్గం వెబ్సైట్ ( https://udgam.rbi.org.in) ద్వారా తెలుసుకోవచ్చని తెలియజేశారు.

జిల్లా పౌర సంబంధాల అధికారి, వనపర్తి ద్వారా జారీ