దివ్యాంగ యువతకు ఉద్యోగావకాశాల వేదిక.. ఆగస్టు 12న ప్రత్యేక ఉద్యోగ మేళా….

దివ్యాంగ యువతకు ఉద్యోగావకాశాల వేదిక.. ఆగస్టు 12న ప్రత్యేక ఉద్యోగ మేళా….

సాక్షిత పెద్దపల్లి-జిల్లా ప్రతినిధి, పెద్దపల్లి/
పెద్దపల్లి జిల్లాలోని దివ్యాంగ నిరుద్యోగ యువతీ, యువకులకు ఉపాధి అవకాశాలు కల్పించేందుకు జిల్లా కలెక్టర్ ఆధ్వర్యంలో, యూత్ ఫర్ జాబ్స్ ఫౌండేషన్ సహకారంతో ఆగస్టు 12న ప్రత్యేక ఉద్యోగ మేళా నిర్వహించనున్నట్లు జిల్లా ఉపాధి కల్పనాధికారి ఎం. రాజశేఖర్ తెలిపారు.

విడుదల చేసిన ప్రకటనలో ఆయన మాట్లాడుతూ, చదువుకుని ఉద్యోగాల కోసం ఎదురుచూస్తున్న దివ్యాంగ యువతకు ఉచిత నైపుణ్య శిక్షణతో పాటు ప్రముఖ సంస్థల్లో ఉద్యోగాలు కల్పించడమే ఈ ఉద్యోగ మేళా ముఖ్య ఉద్దేశమని పేర్కొన్నారు.

చిల్లర వ్యాపారం, సమాచార సాంకేతిక సేవలు, అతిథ్య రంగం, బ్యాంకింగ్, తయారీ, ఆన్‌లైన్ వ్యాపార రంగాల్లో పలు ఉద్యోగ అవకాశాలు అందుబాటులో ఉన్నాయని తెలిపారు. విక్రయ సహాయకులు, ఖాతాదారుల సేవల ప్రతినిధులు, నగదు నిర్వహణ సిబ్బంది, దత్తాంశ నమోదు నిర్వాహకులు, సాంకేతిక సహాయకులు, ముందు కార్యాలయ సిబ్బంది, గిడ్డంగి నిర్వహణ సిబ్బంది, ఉత్పత్తి విభాగ సిబ్బంది, యంత్రాల నిర్వాహకులు, నాణ్యత పరిశీలకులు, సరుకు ప్యాకింగ్ సిబ్బంది, సరుకు పంపిణీ సిబ్బంది తదితర ఉద్యోగాలు భర్తీ చేయనున్నట్లు వివరించారు.
అభ్యర్థుల వయస్సు 18 నుంచి 40 సంవత్సరాల మధ్య ఉండాలని, పదో తరగతి, ఇంటర్మీడియట్, పారిశ్రామిక శిక్షణ, డిప్లొమా లేదా డిగ్రీ పూర్తి చేసి ఉండాలని తెలిపారు. శారీరక వైకల్యం, వినికిడి లోపం లేదా స్వల్ప చూపు లోపం ఉన్న దివ్యాంగులు అర్హులని పేర్కొన్నారు. ఎంపికైన వారికి హైదరాబాద్‌లో ఉద్యోగాలు కల్పించనున్నట్లు తెలిపారు.

ఉద్యోగ మేళాకు హాజరయ్యే అభ్యర్థులు తమ జీవిత విశేషాలు, దివ్యాంగ ధ్రువీకరణ పత్రం, ఆధార్ కార్డు, పాన్ కార్డు, విద్యార్హత ధ్రువీకరణ పత్రాలు, రెండు పాస్‌పోర్ట్ పరిమాణ ఫొటోలతో ఆగస్టు 12న ఉదయం 10 గంటల నుంచి సాయంత్రం 4 గంటల వరకు సమీకృత జిల్లా కలెక్టరేట్ సమావేశ మందిరంలో హాజరుకావాలని సూచించారు.

మరిన్ని వివరాలకు 8985336947, 8121262441, 9281408587, 7330637711 నంబర్లను సంప్రదించాలని జిల్లా ఉపాధి కల్పనాధికారి ఎం. రాజశేఖర్ తెలిపారు.