చంద్రయాన్ కోసం విశాఖ శారదాపీఠంచే వనదుర్గా హోమం

చంద్రయాన్ అంతరిక్ష నౌక విజయవంతంగా చంద్రుడిపైకి అడుగు మోపాలని ఆకాంక్షిస్తూ విశాఖ శ్రీ శారదాపీఠం ప్రత్యేక పూజలు నిర్వహించింది. చాతుర్మాస్య దీక్షలో ఉన్న పీఠాధిపతులు స్వరూపానందేంద్ర, స్వాత్మానందేంద్ర స్వాముల పర్యవేక్షణలో వనదుర్గా హోమం నిర్వహించారు.

రిషికేష్ లోని విశాఖ శ్రీ శారదాపీఠం ఆశ్రమ ప్రాంగణంలో ఈ హోమం చేపట్టారు. వనదుర్గా హోమం పూర్ణాహుతిలో పీఠాధిపతులుఫాల్గొన్నారు. భారతావని ప్రతిష్టను మరింత ఇనుమడింపజేసేందుకు చంద్రయాన్ ప్రయోగం దోహదపడుతుందని స్వరూపానందేంద్ర స్వామి పేర్కొన్నారు. ప్రపంచంలో బలీయమైన శక్తిగా భారత్ ఎదగాలనే ఆకాంక్షతోనే వనదుర్గా హోమం చేపట్టినట్లు తెలిపారు