చంద్రబాబు ఆరోగ్యం మెరుగుపడాలని శివలింగానికి 108 బిందెలతో జలాభిషేకం జరిపిన—-కలిశెట్టి

చంద్రబాబుకు ఆటంకాలు తొలగి.. 2024లో అధికారం దక్కాలని కోరుతూ పైడిపేట శివాలయంలో ఉదయం 7.0-9.0గంటలు వరకు కలిశెట్టి ప్రత్యేక పూజలు

ఎచ్చెర్ల నియోజకవర్గం
రణస్థలం మండలం
16-10-2023

తెలుగుదేశం పార్టీ జాతీయ అధ్యక్షులు, ఆపద్బాంధవుడు, మాజీ ముఖ్యమంత్రివర్యులు గౌరవ శ్రీ నారా చంద్రబాబునాయుడు గారు ఆరోగ్యం మెరుగుపడాలని, సిబిఎన్ గారికి 2024లో అధికారం దక్కాలని తెలుగుదేశం పార్టీ ఉత్తరాంధ్ర శిక్షణ శిబిరం మాజీ డైరెక్టర్, ఎచెర్ల నియోజకవర్గం తెలుగుదేశం పార్టీ సీనియర్ నాయకులు శ్రీ కలిశెట్టి అప్పలనాయుడు గారు 108 బిందెలతో జలాన్ని తీసుకువెళ్లి శివలింగానికి అభిషేకం నిర్వహించారు. సోమవారం శివునికి ప్రీతికరమైన రోజు కావడంతో ఇదే రోజు ఉదయం 7 గంటలకు ఎచెర్ల నియోజకవర్గం రణస్థలం మండలం కోస్టా గ్రామపంచాయతీ శివారు గ్రామం పైడిపేటలో గల శ్రీ వైద్యనాధేశ్వర స్వామి ఆలయానికి చేరుకొని.. అక్కడి శివలింగానికి 108 బిందెల జలంతో అభిషేకాన్ని నిర్వహించారు. దగ్గర్లోని చెరువు నుంచి 108 బిందెలతో జలాన్ని తీసుకువచ్చి అప్పలనాయుడు గారు ప్రత్యేకంగా శివలింగానికి అభిషేకం చేయడం విశేషం.

చంద్రబాబు నాయుడు గారి ఆరోగ్యం మెరుగుపడాలని, సిబిఎన్ గారికి లోకేష్ బాబు గారికి ఆ కుటుంబ సభ్యులకు ఆటంకాలు తొలగి.. 2024లో నవ్యాంధ్రప్రదేశ్ ముఖ్యమంత్రిగా అధికారం దక్కాలని శివాలయంలో ప్రత్యేక పూజలు నిర్వహించారు….