రాష్ట్ర కార్యవర్గ సభ్యులుగా ఎన్నికచేయడం పట్ల కృతజ్ఞతలు — శేపూరి

నకిరేకల్ సాక్షిత ప్రతినిధి

భువనగిరి మాజీ పార్లమెంట్ సభ్యులు డాక్టర్ బూర నర్సయ్య గౌడ్ ను బిజెపి రాష్ట్ర కార్యవర్గ సభ్యులు శేపూరి రవీందర్ మర్యాద పూర్వకంగా కలిశారు. ఈ సందర్భంగా రాష్ట్ర కమిటీ సభ్యులుగా తన ఎన్నిక కి సహకరించినందుకు
మాజీ ఎంపీ ని వారి నివాసం లో శేపూరి రవీందర్ కలిసి కృతజ్ఞతలు తెలిపి శాలువాతో సన్మానించారు. మాజీ ఎంపీ డాక్టర్ బూర నర్సయ్య గౌడ్ మాట్లాడుతూ నకిరేకల్ నియోజకవర్గంలో అనునిత్యం ప్రజలకు అందుబాటులో ఉంటూ ప్రజల సమస్యలపై పోరాటం చేస్తూ ప్రధాని నరేంద్ర మోడీ తొమ్మిది సంవత్సరాల కాలంలో అందించిన పథకాల గురించి విస్తృత ప్రచారం చేస్తూ గ్రామ గ్రామానికి వెళ్లి పార్టీ బలోపేతానికి కృషి చేయాలని తెలియజేశారు. తెలంగాణలో రానున్నది బిజెపి ప్రభుత్వమే అని ముక్తకంఠంతో తెలియజేస్తూ నకిరేకల్ నియోజకవర్గం లో అందరిని కలుపుకొని ముందుకు పోవాలని ప్రతి కార్యకర్తకు అండగా నిలవాలని సూచించారు. ఈ కార్యక్రమంలో బిజెపి జిల్లా కార్యవర్గ సభ్యులు పల్లపు బుద్ధుడు, చిట్యాల పట్టణ ప్రధాన కార్యదర్శి గంజి గోవర్ధన్ బూత్ కమిటీ అధ్యక్షులు రావుల వెంకన్న, యువజన నాయకులు మర్రి హరీష్ రెడ్డి, పాకాల దినేష్, అమరోజు సందీప్ తదితరులు పాల్గొన్నారు.