ప్రజల సంక్షేమాన్ని ఏనాడు మరువని పార్టీ తెలంగాణలో ఏదైనా ఉందంటే అది కేవలం టిఆర్ఎస్ పార్టీయేనని ప్రభుత్వ విప్, ఎమ్మెల్సీ శంభీపూర్ రాజు , ఎమ్మెల్యే కేపీ వివేకానంద అన్నారు. కొంపల్లి లోని ఎమ్మెల్యే క్యాంపు కార్యాలయంలో నిర్వహించిన 126 – జగద్గిరిగుట్ట కార్పొరేటర్, ముఖ్య నాయకులతో నిర్వహించిన సమావేశంలో వారు మాట్లాడుతూ జగద్గిరిగుట్ట డివిజన్లో గత తొమ్మిదేళ్ల కాలంలో కోట్లాది రూపాయలతో చేపట్టిన అభివృద్ధి, సంక్షేమ కార్యక్రమాలను ప్రజలందరికీ వివరిస్తూ నాయకులంతా కలిసికట్టుగా పనిచేస్తే కుత్బుల్లాపూర్లో తిరిగి గులాబీ జెండా ఎగరడం ఖాయమన్నారు. ఈ కార్యక్రమంలో స్థానిక కార్పొరేటర్, డివిజన్ అధ్యక్షులు, సీనియర్ నాయకులు మహిళా నాయకురాలు, కార్యకర్తలు, అభిమానులు తదితరులు పాల్గొన్నారు.