ముప్పాళ్ళ గ్రామంలో జిల్లా పరిషత్ నిధులు రూ.5 లక్షల అంచనా వ్యయంతో డొంక రోడ్డు ఏర్పాటు పనులు ..

గ్రామాల అభివృద్దే దేశాభివృద్ధి : MLA డాక్టర్ మొండితోక జగన్ మోహన్ రావు ..

చందర్లపాడు మండలంలోని ముప్పాళ్ళ గ్రామం నుండి మునగాలపల్లి పంట పొలాల వరకు జిల్లా పరిషత్ నిధులు రూ.ఐదు లక్షల అంచనా వ్యయంతో ఏర్పాటు చేయనున్న డొంక రోడ్డు పనులకు శాసనసభ్యులు డాక్టర్ మొండితోక జగన్ మోహన్ రావు శంకుస్థాపన నిర్వహించారు ..

ఈ సందర్భంగా ఆయన మాట్లాడుతూ గ్రామాల్లో మౌలిక వసతులు కల్పించేందుకు ముఖ్యమంత్రి వైయస్ జగన్ మోహన్ రెడ్డి ప్రభుత్వం పెద్ద ఎత్తున నిధులు మంజూరు చేసి అభివృద్ధి చేస్తున్నారని చెప్పారు. వైయస్సార్ కాంగ్రెస్ పార్టీ అధికారంలోకి వచ్చాక రాష్ట్రంలోని అన్ని గ్రామాలను అభివృద్ధి చేశారన్నారు. నియోజకవర్గంలోని అన్ని గ్రామాల్లో సిసి రోడ్లు, తాగునీటి సౌకర్యం, డ్రైనేజీ నిర్మాణ పనులు చేపట్టి 90% పనులు పూర్తి చేశామని తెలిపారు. గత టిడిపి ప్రభుత్వం గ్రామాల్లో మౌలిక వసతుల కల్పనకు నిధులు మంజూరు చేయకపోవడంతో అభివృద్ధికి నోచుకోలేదన్నారు. ప్రజా సంక్షేమం కోసం వైయస్ఆర్ కాంగ్రెస్ పార్టీ ప్రభుత్వం అధికారంలోకి వచ్చిన నాటి నుంచి గ్రామాల అభివృద్ధి కోసం అహర్నిశలు కృషి చేస్తుందని చెప్పారు ..

ఈ కార్యక్రమంలో స్థానిక ప్రజాప్రతినిధులు, అధికారులు, వైయస్ఆర్ కాంగ్రెస్ పార్టీ నాయకులు పాల్గొన్నారు ..