అయోధ్యలో శ్రీరామ మందిర ప్రారంభోత్సవ సందర్భంగా కుత్బుల్లాపూర్ నియోజకవర్గంలోని షాపూర్ నగర్, జగద్గిరిగుట్ట, భౌరంపేట్, సూరారం తదితర కాలనీల్లో సంక్షేమ సంఘాలు, ధార్మిక సంఘాలు ఏర్పాటు చేసిన శ్రీ రామ మందిర ప్రారంభోత్సవ వేడుకల్లో మరియు అన్నదాన మహోత్సవ కార్యక్రమాల్లో మాజీ ఎమ్మెల్యే, బిజెపి రాష్ట్ర నాయకుడు కూన శ్రీశైలం గౌడ్ ముఖ్య అతిథిగా పాల్గొన్నారు. అయోధ్య లో శ్రీ రామ మందిర ప్రాణ ప్రతిష్ఠ కార్యక్రమాన్ని ప్రత్యక్ష ప్రసారం ద్వారా వీక్షించారు. అనంతరం పలు చోట్ల అన్నదాన కార్యక్రమాన్ని ప్రారంభించారు.

ఈ సందర్భంగా మాజీ ఎమ్మెల్యే కూన శ్రీశైలం గౌడ్ మాట్లాడుతూ వందల ఏళ్ల నిరీక్షణకు నేటితో తెరపడిందని, ప్రధాని నరేంద్ర మోడీ సంకల్పంతోనే అయోధ్యలో శ్రీరామ మందిర నిర్మాణం పూర్తయిందని అన్నారు. యావత్తు దేశమంతా రామనామంతో పులకరిస్తుందని, దేశమంతా రామమయం అయిందని అన్నారు. ప్రధాని నరేంద్ర మోడీ సారథ్యంలో దేశం రామరాజ్యం కానుందని ఆయన అన్నారు.