బాపట్ల జిల్లా ఆర్మడ్ రిజర్వ్ పోలీస్ కార్యాలయ ప్రాంగణంలో జిల్లా పోలీసులు ఏర్పాటు చేసిన గణనాధుడి ప్రతిమ వద్ద ప్రత్యేక కార్యక్రమాలు.
పోలీస్ నిబంధనలు పాటిస్తూ వినాయక ప్రతిమలను నిమర్జనం చెయ్యాలి
అన్నదానం కార్యక్రమంలో పాల్గొని సిబ్బందితో కలిసి ఫలహారాలు భుజించిన

జిల్లా ఎస్పీ వకుల్ జిందాల్

పోలీస్ శాఖ సూచించిన నిబంధనలు పాటిస్తూ వినాయకుని ప్రతిమలను నిమర్జనం చెయ్యాలని జిల్లా ఎస్పీ వకుల్ జిందాల్ జిల్లా ప్రజలకు సూచించారు. వినాయక చవితి పర్వదినాన జిల్లా పోలీసులు, ఆర్మడ్ రిజర్వ్ కార్యాలయ ప్రాంగణంలో ఏర్పాటు చేసిన గణనాధుడి ప్రతిమ వద్ద బుధవారం నిర్వహించిన ప్రత్యేక పూజలో, అన్నదాన కార్యక్రమంలో జిల్లా ఎస్పీ పాల్గొన్నారు. ముందుగా బ్రాహ్మణ పండితుడు వేదమంత్రాలు పఠిస్తూ పూర్ణ కుంభంతో జిల్లా ఎస్పీ కి ఘన స్వాగతం పలికారు, తదుపరి వినాయకుని ప్రతిమ వద్ద జిల్లా ఎస్పీ ప్రత్యేక పూజలు నిర్వహించి స్వామి వారి ప్రసాదాన్ని స్వీకరించారు. అనంతరం పోలీస్ అధికారులు సిబ్బందితో కలిసి స్వామివారి అన్నప్రసాదాలను ఎస్పీ స్వీకరించారు