బాపట్ల జిల్లా పర్చూరులో నూతనంగా ఏర్పాటు చేసిన సిసి కెమెరాలను జిల్లా ఎస్పీ వకుల్ జిందాల్ ప్రారంభించారు. దాతల సహకారంతో 32 సిసి కెమెరాలను ఏర్పాటు చేసినట్లు ఆయన తెలిపారు. ఇటీవల పర్చూరులో వ్యాపార కూడళ్లు వద్ద దుకాణాలు, ఏటీఎంల వద్ద చోరీలు ఎక్కువగా జరుగుతున్న నేపథ్యంలో సాంకేతిక పరిజ్ఞానం అందుబాటులో లేకపోవడంతో పోలీసులు కేసులు ఛేదించడంలో కొంత ఆలస్యం జరుగుతుంది. నేరస్తులను పసిగట్టే విషయంలో సిసి కెమెరాలు ఎంతో దోహదపడతాయని, ఇది పోలీసు శాఖకు అత్యవసరమని ఎస్పీ తెలిపారు. సిసి కెమెరాలు ఏర్పాటుచేయడం వల్ల నేరాలు తగ్గే అవకాశం ఉందని ఆయన తెలిపారు.