సికింద్రాబాద్‌ రైల్వే స్టేషన్‌ సమీపంలోని ఆల్ఫా హోటల్‌లో బాంబు పెట్టినట్టు డయల్‌ 100కు ఫోన్‌కాల్‌ రావడంతో పోలీసులు అప్రమత్తమయ్యారు. బాంబ్‌ స్క్వాడ్‌తో విస్తృతంగా తనిఖీలు చేపట్టారు. ఎలాంటి ఆధారాలు లభ్యం కాకపోవడంతో ఫేక్‌ కాల్‌గా నిర్ధరించారు. దీనిపై మోండామార్కెట్‌ పోలీసులు కేసు నమోదు చేసి దర్యాప్తు చేపట్టారు. నిందితుడు గౌస్‌ పాషాను ఖమ్మంలో అరెస్టు చేసినట్టు పోలీసులు తెలిపారు.