ప్రతి కాలనీలో మెరుగైన సౌకర్యాల కల్పనే ధ్యేయం…

రూ.1.95 కోట్లతో భూగర్భడ్రైనేజీ పనులకు శంకుస్థాపన చేసిన ఎమ్మెల్యే కేపి వివేకానంద్…

కుత్బుల్లాపూర్ నియోజకవర్గం, గాజులరామారం 125 డివిజన్ పరిధిలోని విష్ణుప్రియ ఎంక్లేవ్ ( ఆర్కే లేఔట్ ) లో రూ.1.95 కోట్లతో నూతనంగా చేపడుతున్న భూగర్భడ్రైనేజీ నిర్మాణ పనులకు ఈరోజు ఎమ్మెల్యే కేపి వివేకానంద్ గారు ముఖ్య అతిథిగా పాల్గొని శంఖుస్థాపన చేశారు. ఈ సందర్భంగా ఎమ్మెల్యే గారు మాట్లాడుతూ ప్రతీ కాలనీలో మెరుగైన మౌలిక వసతులు కల్పించడమే తమ ప్రభుత్వ ధ్యేయం అన్నారు. గతంలో ఏ ప్రభుత్వాలు చేయని విధంగా కోట్ల రూపాయలను వెచ్చించి ప్రజల అవసరాలను తీర్చుతున్నామని అన్నారు. ఈ కార్యక్రమంలో డిజిఎం అప్పల నాయుడు, మేనేజర్ రోహిణి, కాలనీ ప్రెసిడెంట్ హరికృష్ణ రెడ్డి మరియు కాలనీ అసోసియేషన్ సభ్యులు, కాలనీ వాసులు, నాయకులు తదితరులు పాల్గొన్నారు.