మన్నేపల్లి కి 2024 కీర్తి పురస్కారాలు.

సాక్షిత ఉమ్మడి ఖమ్మం బ్యూరో చీఫ్:

ఖమ్మం ప్రాంతానికి చెందిన మన్నేపల్లి కళ , విద్య , సామాజిక రంగాలలో చేస్తున్న సేవలను గుర్తించి హైదరాబాద్ లో త్యాగరాయ గానసభలో కే ఎన్డీ ఛారిటబుల్ ట్రస్ట్ , స్వరమధురిమ కల్చరల్స్ ఆధ్వర్యంలో సంయుక్తంగా ఇటీవలే నిర్వహించిన కార్యక్రమంలో “లెజెండ్”, “సితార్” మరియు “గౌతమినంది” పురస్కారాలను పద్మశ్రీ దైవఙ్ఞశర్మ , గోల్డ్ మ్యాన్ సూర్య , తిరుపతి దొరై , చీమల కోటేశ్వరి , అవధానుల ప్రసాద్ చేతుల మీదుగా స్వరమాలిక ఖమ్మం అధ్యక్షులు మన్నేపల్లి మల్లిఖార్జున్ 2024 కీర్తి పురస్కారాలు అందుకున్నారు . ఈ సందర్భంగా ట్రస్ట్ చైర్మన్ చీమల కోటేశ్వరి మాట్లాడుతూ అధ్యాపకునిగా పనిచేస్తూ సామాజిక స్పృహతో ఖమ్మంలో వరద బాధితుల సహాయార్ధం మన్నేపల్లి అందించిన సేవలు ప్రశంసనీయమన్నారు .

అదేవిధంగా కళారంగంలో స్వరమాలిక పేరుతో సాంస్కృతిక సంస్థను నిర్వహిస్తూ పలు కార్యక్రమాలు నిర్వహించడం అభినందనీయమన్నారు . ఈ కార్యక్రమంలో సూపర్ సింగర్ సాకేత్ తో పాటుగా స్వరమధురిమ అధ్యక్షులు ఇసనపల్లి నగేష్ , డా.ఎస్వీ ఆర్ వెంకటేష్ , డా.అక్షిత , జబర్దస్త్ వెంకీ తదితరులు పాల్గొన్నారు .