శివరాత్రి వేళ… ట్రై సిటీ పరిధిలో ట్రాఫిక్ ఆంక్షలు
ట్రాఫిక్ ఏసీపీ సత్య నారాయణ
ఉమ్మడి వరంగల్ జిల్లా జోనల్ ఇన్చార్జి
హన్మకొండ, వరంగల్, కాజీపేట ఏరియా ప్రజలకి విజ్ఞప్తి
26-2-2025 రోజున మహాశి వరాత్రి పర్వదినం సందర్భంగా పూజల నిమిత్తం భక్తులు తమ వాహనాల్లో వేయిస్తంభాల గుడికి వేలాది గా తరలి వస్తారు. కానీ ఆలయం దగ్గర పరిసరాలలో ఎలాంటి పార్కింగ్ స్థలాలు లేవు. కావునా భక్తులు సాధ్యమైనంత త్వరగా ఆలయానికి చేరుకుని దర్శనం చేసుకోవాలనే ఉద్దేశ్యం తో ట్రాఫిక్ రాక పోకలను క్రమ బద్దీకరణ చేయడం జరుగుతుంది. ఇందులో భాగంగా ములుగు X రోడ్ నుండి వేయిస్తంభాల గుడి వైపు వచ్చే భక్తుల వాహనాలను అలంకార్ జంక్షన్ వరకు మాత్రమే అనుమతిస్తారు. హన్మకొండ చౌరస్తా నుంచి వచ్చే భక్తుల వాహనాలను అమృత జంక్షన్ వరకు మాత్రమే అనుమతిస్తారు.
కావున భక్తులు ఇది గమనించి తమ ఏర్పాట్లు చేసుకోవాలని మనవి. అలాగే ములుగు X రోడ్డు నుండి వేయిస్తంభాల గుడి వైపు వచ్చే సాధారణ వాహనాలు టూవీలర్స్, ఆటోలు, కార్లు మొదలగు వాహనాలు అలంకార్ సెంటర్, కాపువాడ, బాలంజినేయ స్వామి దేవాలయం మీదుగా ప్రయాణించాలి. మరియు అలంకార్ సెంటర్ నుండి బాలాంజినేయ స్వామి దేవాలయం వరకు (కాపువాడ వైపు) రోడ్ కి రెండు వైపులా ఎటువంటి వాహనాలు పార్కింగ్ చేయరాదు. మరియు రిపేరింగ్ వాహనాలను రోడ్ పై రిపేర్ చేయరాదు. ఈ మార్గంలో ఇతర తోపుడు బండ్లు కూడా అనుమతించబడవు. అలాగే బాలంజినేయ దేవాలయం నుంచి కాపువాడ వైపు ఎటువంటి వాహనాలు అనుమతించబడవు. హన్మకొండ చౌరస్తా నుండి వేయిస్తంభాల గుడి వైపు ప్రయాణించే సాధారణ వాహన దారులు, అమృత జంక్షన్ నుండి యాదవ నగర్ మీదుగా వెళ్ళాలి. వేయిస్తంభాల ఆలయ పరిసర ప్రాంతాలలోని మెయిన్ రోడ్డులో వాహనాలను పార్కింగ్ చేయరాదు. ఈ ఆంక్షలు 26-2-2025 ఉదయం 3 గంటల నుండి 27-2-2025 మధ్యాహ్నం 12 గంటల వరకు కొనసాగుతాయి. కావున ఈ మార్గంలో ప్రయాణించే వారు ఇతర వీలుగా ఉన్న రోడ్లలో ప్రయాణించి తమ గమ్య స్థానాలకు చేరుకోవాలని ట్రాఫిక్ ఏసిపి సత్య నారాయణ తెలిపారు.
https://play.google.com/store/apps/details?id=com.sakshithanews.app
