శ్రీహరికోట: పీఎస్‌ఎల్‌వీ-సీ59 ప్రయోగం (‘ప్రోబా-3’ మిషన్‌) విజయవంతమైంది. యురోపియన్‌ స్పేస్‌ ఏజెన్సీకి చెందిన ప్రోబా-3 ఉపగ్రహాలతో పాటు మరికొన్ని చిన్న ఉపగ్రహాలను పీఎస్‌ఎల్‌వీ-సీ59.. విజయవంతంగా నిర్దేశిత కక్ష్యలోకి ప్రవేశపెట్టింది. ప్రోబా-3లో రెండు ఉపగ్రహాలు ఉంటాయి. వీటి బరువు 550 కిలోలు. సూర్యుడి బాహ్య వాతావరణమైన కరోనాపై పరిశోధనలు చేయడం ఈ ప్రాజెక్టు ఉద్దేశం. ఈ తరహా ప్రయోగాన్ని చేపట్టడం ప్రపంచంలోనే ఇది మొదటిసారని ఈఎస్‌ఏ తెలిపింది. ప్రయోగం విజయవంతం కావడంతో ఇస్రో ఛైర్మన్ సోమ్‌నాథ్‌ శాస్త్రవేత్తలను అభినందించారు.