SAKSHITHA NEWS

మంగళగిరి స్టేడియంలో రసవత్తరంగా జరుగుతున్న క్రికెట్‌ పోటీలు

క్రికెట్ పోటీలతో సందడిగా మారిన మంగళగిరి

మూడవ రోజు విజయం సాధించిన విజయనగరం, కర్నూలు జట్టులు

మంగళగిరి టౌన్, జనవరి 14: మంత్రి నారా లోకేష్ జన్మదినోత్సవాన్ని పురస్కరించుకోని మంగళగిరి అంతర్జాతీయ క్రికెట్ స్టేడియంలో జరుగుతున్న ప్రీమియర్ లీగ్ పోటీలు మంగళవారం రసవత్తవరంగా సాగాయి. మూడవ రోజు విజయనగరం వర్సెస్ పశ్చిమగోదావరి జిల్లాల జట్ల మధ్య జరిగిన మ్యాచ్‌లో విజయనగరం జట్టు ఘన విజయం సాధించింది. విజయనగరం జట్టు టాస్ గెలిచి ఫిల్డింగ్ తీసుకుంది. బ్యాటింగుకు దిగిన పశ్చిమగోదావరి జట్టు 14.5 ఓవర్లలో 99 పరుగులు చేసి ఆల్ అవుట్ అయింది. 100 పరుగుల విజయలక్ష్యంతో బ్యాటింగ్‌కు దిగిన విజయనగరం జట్టు 6 వికెట్ల నష్టంతో 9 ఓవర్లలోనే 101 పరుగులు చేసి విజయం సాధించింది. ఇప్పటి వరకు విజయనగరం జట్టు మూడు మ్యాచ్‌లలో వరుసగా విజయం సాధించింది. మంగళగిరి వర్సెస్ కర్నూలు జట్ల మధ్య జరిగిన మ్యాచ్‌లో కర్నూలు జట్టు ఘన విజయం సాధించింది. కర్నూలు జట్టు టాస్ గెలిచి బౌలింగ్ తీసుకుంది. బ్యాటింగ్‌కు దిగిన మంగళగిరి జట్టు 15.1 ఓవర్లలో 71 పరుగులు చేసి ఆల్ అవుట్ అయింది. 72 పరుగుల విజయలక్ష్యంతో బ్యాటింగ్‌కు దిగిన కర్నూలు జట్టు 5.3 ఓవర్లలోనే 72 పరుగులు చేసి మంగళగిరిపై విజయం సాధించింది. ప్రతి మ్యాచ్‌లలో మ్యాన్ ఆఫ్ ది మ్యాచ్‌గా నిలిచిన క్రీడాకారులకు పట్టణ తెలుగు యువత అధ్యక్షులు భోగి వినోద్, నియోజకవర్గ ఎస్సీ సెల్ అధ్యక్షులు కనికళ్ళ చిరంజీవి సహకారంతో రూ 10 వేలు చొప్పున నగదు బహుమతి అందజేశారు. మంగళగిరి జట్టు నుంచి ఆడిన క్రీడాకారులకు రోటరీ క్లబ్ ఆఫ్ మంగళగిరి అధ్యక్షులు గాజుల శ్రీనివాసరావు, ప్రధాన కార్యదర్శి అందె మురళీమోహన్ రావు, కోశాధికారి వడ్లమూడి శ్రీనివాసరావు, ఉపాధ్యక్షులు పారేపల్లి నిరంజన్ గుప్తా, చార్టర్ అధ్యక్షులు ఇసునూరి అనిల్ చక్రవర్తి సహకారంతో 33 జతల షూస్ అందజేశారు. ఈవెంట్ స్పాన్సర్లగా సేల్, సక్కు, మార్కోరోస్, ఉషోదయ సంస్థలు వ్యవహరిస్తున్నాయి. ప్రతి మ్యాచ్‌ను గోపి టీవి యూట్యూబ్ ఛానల్, వి డిజిటల్ ద్వారా ప్రత్యక్ష ప్రచారం అందించడం జరుగుతుంది. ప్రీమియర్ లీగ్, సిజన్-3 పోటీలలో ప్రథమ బహుమతి కింద రూ 3 లక్షలు కొమ్మారెడ్డి కిరణ్, ద్వితీయ బహుమతి కింద రూ 2 లక్షలు కాట్రగడ్డ మధు సుధన్ రావు, తృతీయ బహుమతి కింద రూ. లక్ష నగదును పల్నాటి నాగేశ్వరరావు, అమ్మిరెడ్డి సాంబశివరావు సహకారంతో బహుమతులు ప్రధానం చేయనున్నారు. అలాగే మ్యాన్ ఆఫ్ ది సిరీస్ రూ. 50 వేలు బత్తుల హరిదాస్, బెస్ట్ బ్యాట్స్ మెన్ కు రూ 25 వేలు కాసరనేని జస్వంత్, బెస్ట్ బౌలర్ కు రూ 25 వేలు తాడిపత్రి అజయ్ కుమార్, ప్రతి మ్యాచ్‌కు మ్యాన్ ఆఫ్ ది మ్యాచ్ రూ.10 వేల నగదును భోగి వినోద్, కనికళ్ళ చిరంజీవి సహకారంతో నగదు బహుమతులు అందించనున్నారు.