సాక్షిత : మేడ్చల్ జిల్లా తెరాస పార్టీ అధ్యక్షులు, ఎమ్మెల్సీ శంభీపూర్ రాజు జిల్లా పరిధిలో మంత్రి మల్లారెడ్డి తో కలిసి పర్యటించారు. మేడ్చల్, అత్వెల్లి ప్రభుత్వ పాఠశాలల విద్యార్థులకు నోటు పుస్తకాలను పంపిణీ చేశారు. అదే విధంగా దబిల్ పూర ఇస్కాన్ టెంపుల్ లో జరిగిన కృష్ణాష్టమి వేడుకల్లో పాల్గొని ప్రత్యేక పూజలు చేశారు. ఆలయ ప్రాంగణంలో మొక్కలు నాటారు. అనంతరం రావల్ కోల్ లోని వృద్ధాశ్రమంలో వృద్దులకు పండ్లను పంపిణీ చేశారు. ఈ కార్యక్రమంలో జిల్లా పరిధిలోని ప్రజాప్రతినిధులు, తెరాస కుటుంబ సభ్యులు, తదితరులు పాల్గొన్నారు.